كيفكم :) وكيف جو الاختبارات معاكم ! حتى لو ماعندي اختبارات تظل هذه الفتره نوعا ما كئيبة وممله ، يمكن لأن الكل مشغول وانا فاضيه احس بملل
المهم قررنا نكسر هذا الجو ونخرج في رحله للبحر (حبيبي البحر ) وكان قرار مو متوقع فما قدرت اجهز حاجات كثيرة كلها قهوه وشاي وسويت معاهم كيك الشابورة اللي للمرة الثالثة اسويه هذا الاسبوع لانه صراحة سريع ولذيذ خاصة بالجو اللي كان عند البحر وهذه صورته طازة دوبو طالع من الفرن ....
الكورنيش كان ماشاالله مليان فماخذت راحتي بالتصوير كلها كم صورة
وكان الرفيق الدائم هو الكورشية :))
اول تجربه ليا في الرسم بالكورشية :)) واخترت اشتغل كفر للجوال ورسمت اللوجو الخاص بنظام الاندرويد ، هذا الشغل قبل الاضافات
وهنا بعد التعديل :))))
وهذا شكل الكفر كامل
وهنا من الجنب
وهنا من الخلف :)
السلام عليكم ورحمة الله وبركاته
ردحذفصادقه اوقات الاختبارات ملل لانه ماعندنا شي بس الحمد لله الكورشيه رفيقنا ماشاء الله تجربه حلوه وعمل رائع الله يوفقك دائما مميزه الله يسعدك وتتحفينا بالجديد
ماشاء الله ماتوقعته كدا يخزي العين يجنن الكفر احلى من الجاهز كثير
ردحذفوالبحر ياسلام اشتقت له مراااااااااااااا حسيت نفسي قاعدة معاكم
ربي يوفقك..
ياااه ماشالله يجنن!!
ردحذفماهو بنوتي الاندرويد يونيسكس =)
احب البحر وهنا في ينبع كل مازهقت رحت البحر واخذت عدتي معايا
مرره بسطه
تسلم يدك ومن جد نورتي المدونه ولا تغيبي ثاني
amna اكيد الكورشية من احلى الاشياء اللي تعلمتها ودائما هو رفيقي :)
ردحذفاموله المرة التانيه لازم تروحي معايا البحر رح يحلى اكيد معاكي :)
حنين تسلمي عيوني ولا تحرمينا من طلتك ياعسل
عجبني مره بس عندي استفسار انتي عملته كمحفظه بس كيف ماسك بالجوال يعني مايطيح ؟ وياليت توضحي لي طريقته حابه اسويه لزوجي ؟
ردحذفاهلين ام هادي
ردحذفشوفي الصورة الثالثة من الاخير
واضح مرا الموديل تبع الكفر من تحت سويت زيادة وخيطتها
حتى تكون زي القاعدة او الجيب تشيل الجوال ومن فوق سويت زي السوار
يمسك الجوال ان شاء الله يكون شرحي واضح واي استفسار انا موجودة :)
صراحة الكفر مرا كيوت وحبيتة مرا ولو فية تصميم للايفون كان سويتله شي مميز تسلم يدك والله واشتقنا للبحر
ردحذف