الأحد، 26 يونيو 2011

❤ I Love Blue ❤


ليا يومين مشغوله في حاجة كيووووت ،، شفتها من زمان في هذه المجلة اللي انصحكم تنزلوها فيها افكار وغرز حلوة نقدر نوظفها في اشياء كثيرة بالنسبه ليا اعتبرها مرجع ليا بعد النت او لمن ازهق ومالاقي شي يلهمني خخخخخ .
الفكرة انو تستغلي اي بدي عندك  وتضيفي له شغل كورشية بتصميم حلو وناعم  ويناسب وقت الصيف الحار ☹، في المجلة مقترحين انو تعملي عدد معين من الوردات والدوائر لكن لمن شبكتها طلع صغير وضيق ماعجبني  ، زدتها حتى وصلت للمقاس اللي ناسبني وهذا شكله النهائي 
هنا شكله اوضح 
وهذا من الخلف
وكمان صورة 


ماقدر اوصفلكم قد ايش هو حلو في اللبس ، يكفي انو من شغل يدي :))) صح !!
اتمنى لكم اجازة حلوة وصيف مليىء بالانتعااااااااااااااااااش ....


❤ Amona 
اضافة:
لطلب احدى الاخوات العزيزات شرح العمل وطريقة التنفيذ حبيت اضيف الطريقة والباترونات من المجله ..
الفكرة بسيطة جدا اول شي نشتغل وردة وحدة كبيرة اللي تكون من الامام في المنتصف وبعدين نشتغل ٨ وردات صغيرة وهذا هو باترون الوردات :)





بعدين نشتغل ٨ دوائر كبيرة B و ٨ صغيرة A وهذا باترون الدوائر 

بعد كدا نشبك الورود والدوائر على نفس هذا الترتيب


وبالنسبة ليا ماكفتني ٨ وردات زدت العدد حتى وصلت الطول المطلوب 
ان شاءالله يكون الشرح واضح وتستفيدو منو :))

الخميس، 23 يونيو 2011

جروب جنون الكورشية على فلكر

مرحبا ،
كثير حلو نعمل جروب لنا نحط في اعمالنا الكورشية ، تحفظها لنا وسهل تصفحها ، ونقدر نضيف تحت كل صورة المعلومات اللي حابينها  من باترون مقاسات نوع الخيط مقاس الابرة .
اللي حاب ينضم لنا لازم يكون عندها حساب على فلكر  وهنا شرح للطريقة
بعدين اضيفي الجروب عندك وهذا رابط الجروب اسمه جنون الكورشية  وبعدها تقدري تضيفي الصور الخاصة فيكي للقروب ، ومنها تاخدي الرابط وتحطيه في المكان اللي تحبي في منتداكي المفضل في مدونتك على الفيس بوك تويتر :)
وردات لكم ..... :)


اضافة:
حبيت يكون للجروب شعار بسيط ، اضيفوه في مكان انتم تبغوه ، انا رح اضيفه بمدونتي :))



الثلاثاء، 21 يونيو 2011

كورشية الوردة اليابانية ✿ Japanese Flower


من أحلى الوحدات اللي اشتغلتها هذه الوحدة ، اول مرة شفتها في مدونه لوسي وحبيتها مرا ماتلوموني شوفو هنا قد ايش الناس مبدعين فيها :))))))) 

وبالصدفة لقيت باترونها وماقدرت اقاوم جلست اجرب  وطبعا ماقدرت اوقف 004.gif sm5.gif
شوفو هنا بخيوط القطن 004.gif 004.gif 




وهنا بــ الموهير ...


بالكوتون بالرليه سويت وردة لاختي الصغيرة 




وهذه النتيجة :))



شكلها على الشعر sm5.gifsm5.gif



وهنا كنت اشرحها لاختي وهذا كان تطبيقها ...



ومراااا عجبتها وسوت اطراف عبايتها منها شوفو 


 Amona  

الأحد، 19 يونيو 2011

Crochet Hexagon Shawl



ورجعنا للسداسيات :)
هذا الشال له اكثر من سنه مركون :(   بس الحمدلله اخيرآ شاف النور وخلص بس بقي تنظيف الخيوط من الخلف ... وعلى فكرة مو شغل يدي هذا شغل امي الله يحفظها أنا بس سويت الحواف  




مررررا حلو الوانه  وملمس القطن يااااه  نفسي اقعد اتفرج فيه طول الوقت 
الخيوط المستخدمة هيا خيوط nature cotton  جميع الالوان المتوفرة .




وهنا صورة اقرب للشغل 



وهذه الحواف  




  Amona  

الثلاثاء، 14 يونيو 2011

Crochet Android Cozy



كيفكم :) وكيف جو الاختبارات معاكم ! حتى لو ماعندي اختبارات تظل هذه الفتره نوعا ما كئيبة وممله ، يمكن لأن الكل مشغول وانا فاضيه احس بملل 
المهم قررنا نكسر هذا الجو ونخرج في رحله للبحر (حبيبي البحر ) وكان قرار مو متوقع فما قدرت اجهز حاجات كثيرة كلها قهوه وشاي وسويت معاهم كيك الشابورة اللي للمرة الثالثة اسويه هذا الاسبوع لانه صراحة سريع ولذيذ خاصة بالجو اللي كان عند البحر وهذه صورته طازة دوبو طالع من الفرن ....
 انا غيرت في الوصفة حطيت هيل وعين الجمل والدقيق نصف الكاسة دقيق بر والنصف الثاني دقيق ابيض والطعم صار احلــــــــــى 
الكورنيش كان ماشاالله مليان فماخذت راحتي بالتصوير كلها كم صورة 







وكان الرفيق الدائم هو الكورشية :))


اول تجربه ليا في الرسم بالكورشية :)) واخترت اشتغل كفر للجوال ورسمت اللوجو الخاص بنظام الاندرويد ، هذا الشغل قبل الاضافات 




وهنا بعد التعديل :))))
ايش رايكم مو يجنن :) واااااااااو 
وهذا شكل الكفر كامل 
من الداخل خيطت بطانه للغطى وحطيت بداخلها ورق مقوى 


وهنا من الجنب 


وهنا من الخلف :) 
ثبت طقطق له حتى يثبت اكثر ، مرا الكفر طالع كيوت وحلو وانا مسويته لزوجي لكن اعترض على شكل اللوجو يقول كانو بنّاتي صار :( انتو ايش رايكم  مرا بنّاتي ولا لا؟؟

السبت، 11 يونيو 2011

♥ Sweet Bag



مرحبا !! حالياً بديت مشروع جديد ويحتاج كمية صوف كبييرة ، وشنطتي الملونه اللي استخدمها دايما ماتكفي 
فحاولت ابحث عن باترون للشنطة تكون واسعه وتشيل من قلب :)

وطلعت بهذه النتيجة ....


وهنا صورتها وبداخلها الصوف 

وهنا مشروعي الجديد جوتها  :)))))))))



شايفين كمية الالوان الروووووووووعه :)) متحمسه متى اخلصه حتى اوريكم هوا 

وهنا صورة للقاعدة 

وهذا داخل الشنطة D:




الوردة من قريب 




Amona