الاثنين، 27 سبتمبر 2010

new start


هاااااااااي .... وبدأنا الدوام ورجعنا للروتين اليومي المعتاد ...
في الاجازة الماضية انشغلت كثير ... وماقدرت اتابع مع المدونة لكن لمن رجعت شفت كثير ناس بيسالو ويطمنو ... فرحت كثير فيهم وشكرا لكم من القلب ... :)
خلصت الاجازة وراحت ايامها بحلوها ومرها ... في مشروع كنت اتمنى يتحقق بالاجازة بس ربي ماكتب فالحمدلله على كل شي ... ^ـــ^
الصورة اللي فوق  من اخر الاشياء اللي اشتغلتها في الايام اللي راحت ... وخلاص قربت اخلصها عبارة عن بطانية صغيرة ... مسويتها للسيارة ... وحبيت اختار لها الوان قوس قزح ... وصراحة النتيجة ابهرتني ...


ايش راااااااايكم مو تهووس ...!!  الشغل فيها ممتع وسريع  وباترونها سهل كتير ومافي اي تعقيد اخذته من هون  Ripple Blanket  ورح اشتغل فيها حتى يصير قطرها 40 انش ... لانها حاليا اشوفها صغيرة  مو ؟؟




وفي الاجازة سويت مشاريع كتتتيرة ... رح اعرضها في اقرب وقت ... لاني ماصورتها كلها وبعضها مو عندي ...!
احلى حاجة  سويتها كانت بالتعاون مع اختي بطانية  بالوحدات المربعة الملونة لبنوتتها العسولة  وماقدر اوصف لكم قد ايش النتيجة حلوووووة  حتى غرت منها ونفسي اسوي وحدة كبيرة زيها "ـــ^


وهنا صورة لها اكبر ...


هيا عبارة عن 4*4 مربعات  بس ماقدرت اصورها كاملة ...
وهنا الطرف ...



والخيوط الباقية سويت لها جاكيت فكرته ذكية مرا  عبارة عن قطعتين كل وحدة على شكل سداسي
تتخيط مع بعض وهذه النتيجة ...



كيييوت مو !!  وفي اللبس شي تاني خاصة الكولة المثلثة عاجبتني مرا متعوب عليها صح ههههههه

وفي مشروع لسا ما اكتمل لشال مثلث لماما  الباترون في البداية كان صعب  واخذت وقت طويل حتى استوعبة  لكن نتيجته حلوة ومرضية وهذه صورة للشغل  ان شاء الله اقدر اخلصة  قبل العيد ...




احبكم   Amona

هناك 14 تعليقًا:

  1. ماشاء الله عليكي مرا بطانيتك تهوس ايديكي تتلف بحرير
    ربي يحميكي
    تدرين الالوان قوس قزح متناسقه مع بعض والاطار بين كل لون ولون اعطاها فخامه
    الالوان الناريه في النص وتدرجها لين الازرق جذاب ومريح للعين
    بس انا اقترح انو اذا بداتي تعيدي او تتكرري الاالون من البدايه رح يخرب هالتدرج << رأي بس
    لي طلات كثار ع المدونه ..
    وبوريها المام
    :)

    ردحذف
  2. مشكورة على كلامك المشجع ...
    وبالنسبة للتدرج خلاص انا اكتفيت باخر دور احمر بس خليته عريض اكثر وحددته زي البقية

    ودايما دايما كوني هنا ...
    سعيدة بك ^ــ^

    ردحذف
  3. السلام عليكم ورحمة الله وبركاته
    الأخت المبدعة امونة
    ماشاء الله تبارك الله أعمالك رائعة
    ومدونتك أروع حفظك الله من كل سوء
    مزيدا من الإبداع والتألق اتمناه لك من كل قلبي..

    ردحذف
  4. دعاء السحر
    اشكر لك كلماتك الرائعة

    سعيدة بتابعتك لي :)

    ردحذف
  5. يعطيك العافيه, حبيت اسجل اعجابي بإبداعاتك الخطيره خصوصا هالبطانيه خيال ماشاالله عليك
    الله يوفقك
    ودمتي في سعاده

    ردحذف
  6. ميمي
    الله يعافيك .. :)

    ودمتي في سعادة اكبر :)

    ردحذف
  7. ماشالله رووعه شغلك

    واختيارك للالوان مووووفق
    احب زحمه الالوان بس لما اجي اسوي اختار شويه لوول

    ايش نوع خيوط القطن،،؟ ناسبتني مره

    ردحذف
  8. خيوط القطن من نوع
    nature

    وهنا صورة لها :)

    http://i49.tinypic.com/dgh215.jpg

    ^ــ^

    ردحذف
  9. استمتعت جدااا باعمالك الحلوة :) وانتظر جديدك بفارغ الصبر بس حبيت اسالك الجاكيت بخيط صوف او قطن ؟
    والله يوفقك امونه وتسلم ايدياتك :)

    (ام هادي )

    ردحذف
  10. منورة ام هادي :)
    الخيوط صوف وهي من نوع acrylic wooler وهنا صورتها

    http://i48.tinypic.com/egoar6.jpg

    ^ــ^

    ردحذف
  11. اجل نفس نوع خيوطي
    بس برضو كل ما اشوف عمل لهم اسأل صاحبتهم !!
    اروع خيوط موجوده في السعوديه
    شكرا عالتواصل

    ردحذف
  12. أمونه ماشاء الله مرره عجبتني البطانية <3
    أبي أتعلمها :$ :$
    ممكن تشرحينها لي ومن الصفر <3
    مع مقاس الابره ونوع الخيط < - من زمان أبي أسوي بطنيه بالكروشية :$
    مره جميلة ماشاء الله تبارك الله <3
    الله يحفظك ويخليك يارب <3
    Ms.Candy2

    ردحذف
  13. الله يحفظك ويرعاك كاندي :)

    الابرة مقاس 4.5 والخيوط اكريلك
    الباترون اشرت له في التدوينة وبالنسبة للشرح بالتفصيل .
    ربما اقوم بشرحة مستقبلا اذا سمح وقتي <3 .

    ردحذف
  14. الله على الوآن الطيف ^^
    رووووعه ماشاء الله واعمالك صراحه توحففه
    والله يزيدك همه ومثابره

    ردحذف